琴日收到上課時間表...好興奮同期待... 今日返左學校搞註冊...見到學生事務處處長張國榮先生... 佢見到我..好熱情咁同我講:嘩!又見到你呀~升大四呀?好野呀..升大四...好快又出黎貢獻社會啦..哈哈... 我突然有受寵若驚既感覺...個心唸住...佢點解會記得我呢... 當然我好開心的...好似有被重視既感覺... 岩岩整理好自己既上課時間表... 
oh!!!!!!!!好似好他條咁...相比起大一至大三..真係小左好多堂... 無左攝影..無左英文...無左人文科學... 但其實我真係好緊張...好想快d開學... 話晒係最後一年大學生涯...真係要好好咁讀埋佢...享受埋佢呀... 唸番呢三年...經歷真係好特別... 試過同班上既同學拍拖...試過做學生會...試過由第一年參加歌唱比賽...變左第二年做搞手...第三年再做埋評判...試過代表理工去北京比賽(聽就好聽...都係玩既多)... 我唸對於呢幾年既大學生涯黎講...我都無悔架啦... 其中最正既就一定係通宵同各位同學係學校做功課啦... 最慘就係通完宵仲要第二朝上9點堂... o個種滋味真係生不如死...6點至8點o個段時間最難涯..haha 唸番...三年真係過得起快...快到無人信... 仲記得第一日返學...入左個室...見到自己班既同學..個個都好陌生...企係後面既全部都係師兄師姐... 真係有d唔知點咁... 到而家...我將會係所有人既師姐啦..hahaha~大四啦...入面全部都係師弟妹... hahaha~感覺真係百般滋味在心頭呀!! 唸番起...都係大一最開心...而家好多同學都散晒啦... 有d中途放棄去左做野...有d轉左夜校...有d升唔到大四... 唉...淨番既...真係frd既又有幾多個啦? 到頭來都係得番自己既回憶陪住自己...真係幾希噓... 唸番自己由初中開始...讀書生涯都唔順利... 到左大學...我揾到自己鍾意既科目..我覺得好幸福... 過程好辛苦..但好值得... 好開心自己竟然係少數直升大四既其中一個... 其實我之前都有唸過唔讀大四... 有放棄過... 但原來all pass直升係咁開心...原來讀書既成功感係比其他方面都來得重要... 估唔到讀左廿年書...到最後一年先明白.. 所以...大四...整個大學生涯...對我黎講...都係我人生裡面好重要既一科......... 真係好正....我好開心自己係理工既一份子.....理工....多謝你!!!!!!! | 
